Ĝisdatigo pri mia germana studado

Ĉu mi jam menciis, ke mi aktuale lernas la germanan?

Ĉiuokaze, mi lernas la germanan jam unu jaron. Mi serĉis miajn pasintajn afiŝojn ĉe mia Facebook-paĝo kaj vidis la afiŝon pri mia unua tago kun la lingvo.

Verdire, mi provis lerni la germanan du fojojn antaŭe, sed fiaskis. Fakte, mia tuta linvolernada vivo estas plena je fiaskoj. La franca – fiasko. La hispana – fiasko. La rusa, la japana, la itala, Volapuko, Tokipono – fiaskoj ĉie. Nur unu escepto – Esperanto.

Mi povas diri, ke mi neniam antaŭe pasigis tiom da tempo kun la germana, kiom nun.

Do, kion mi povas raporti? Kiel mi lernas ĝin?

1. Duolingo

Mi jam verkis blogafiŝon pri Duolingo kaj miaj pensoj pri ĝi kiel enkonduko al nova lingvo.

2. Legolibroj

Tiaj libroj tipe enhavas mallongajn rakontojn, kiuj estas verkitaj per baznivela lingvouzo. La lingvo-nivelo plialtiĝas iom post iom dum la leganto progresas tra la libro. Mi jam legis ok.

3. Facebook-afiŝoj

Mi sekvas plurajn memeo-paĝojn en Facebook. Ili afiŝas kelkajn fojojn en tago. La afiŝoj kutime estas amuzaj kaj kreas bonajn okazojn por praktiki ĉiutage.

4. Podkastoj

Mi aŭskultas kelkajn podkastojn. Unu estas “Langsam Gesprochene Nachrichten”, kiu signifas “malrapide parolataj novaĵoj.” Alia estas “Slow German”, kies nomo priskribas la enhavon: malrapide parolata germana (pri diversaj temoj).

5. Videoj

Ĉe YouTube mi spektas diversajn videojn, sed nur tiujn kun subtitoloj. Verdire, mi ne multe spektas videojn tiel ofte, kiel mi legas. Ĉar kompreni ilin estas malfacilega! Sed iomete post iomete ĝi fariĝas pli facila. Nur iomete.

Parolante pri subtitoloj, mi decidis defii min per la aldono de germanaj subtitoloj al miaj propraj videoj, kio pruvis esti malfacila tasko. Mi sukcese aldonis ilin al nur unu ĝis nun – la unua video, kiun mi iam alŝutis al mia lingvolernada kanalo, Language Stuff. Mi klopodos daŭrigi tiun taskon same al la aliaj videoj, ĉar ĝi estis tre profitdona ekzerco.

Mi jam faris kvar proprajn videojn en la germana. Du el ili estas tre mallongaj. Nu, ili ĉiuj estas mallongaj, mi supozas, sed du estas tre tre mallongaj. Mi planas daŭrigi fari ilin, sed ili ne ricevas tiom da spektoj, kiom aliaj videoj. Mia spektantaro simple ne vere interesiĝas pri videoj en aliaj lingvoj, escepte de Esperanto. Vi povas spekti miajn germanajn videojn ĉi tie.

6. Parolsesioj

Nu, mi ankoraŭ ne spertis vivan konversacion en la germana. Sed, mi volas. Mi ne havas retkonekton, do mi devos havi antaŭplanon esti aliloke se mi iam faros tion. Eble mi ja povas havi sesion per LTE-konekto, sed mi ne certas, ke la signalo estus sufiĉe stabila.

Do, mi ne vere faras ion ajn malsimile al kiel mi lernis Esperanton. La ĉefa diferenco estas la malfacileco de la lingvo.

Mi plue raportos poste.

Dankon pro via legado.

Ĝis poste.

~Kristoforo

3 pensoj pri “Ĝisdatigo pri mia germana studado

Add yours

  1. Ĉu vi pensas, ke via sukceso pri Esperanto-lernado, pretigis vin por pli sukcese lerni la germanan ĉi-foje? Aŭ ĉu vi simple estas pli lerta lingvo-lernanto nuntempe, ĝenerale?

    Ŝato

Respondi

Entajpu viajn informojn sube aŭ alklaku piktogramon por ensaluti:

WordPress.com Logo

Vi komentas per via konto de WordPress.com. Elsaluti /  Ŝanĝi )

Google photo

Vi komentas per via konto de Google. Elsaluti /  Ŝanĝi )

Twitter picture

Vi komentas per via konto de Twitter. Elsaluti /  Ŝanĝi )

Facebook photo

Vi komentas per via konto de Facebook. Elsaluti /  Ŝanĝi )

Connecting to %s

Blog at WordPress.com.

Supren ↑

%d blogantoj ŝatas tiun ĉi: